جمعية بلا حدود للبر والإحسان الخيريه ( بالسودان)
ترحب الجمعية بكل الزوار والاعضاء في منتداها المتواضع
ومنكم وبكم يتم اسعاد اليتامى وبتسجيلكم تمنحون الكثير لفاقدي السند والمحتاجين
وبمساهماتكم يستمر عمل الخير في وطني الحبيب
ولكم الشكر اجزله وكل التحايا

جمعية بلا حدود للبر والإحسان الخيريه ( بالسودان)

جمعية بلا حدود للبر والإحسان الخيريه ( بالسودان)
 
الرئيسيةالبوم  صور الانمكتبة الصورس .و .جبحـثالتسجيلدخول
تم بحمد الله بدء العمل المنتدى الجديد على الرابط http://blaahs.org/ انسخ الرابط http://blaahs.org/
بحـث
 
 

نتائج البحث
 
Rechercher بحث متقدم
المواضيع الأخيرة
» كلمــــة شـــكر وعرفــــان
الخميس سبتمبر 27, 2012 7:30 pm من طرف بلا حدود مكتب السودان

» عشرة أضرار على الدماغ.....
الخميس سبتمبر 27, 2012 7:02 pm من طرف بلا حدود مكتب السودان

» لمحة من انجازات الجمعية في شهر رمضان للعام 1433ه
الخميس أغسطس 09, 2012 5:13 pm من طرف بلا حدود مكتب السودان

» سلة رمضان للعام 1433ه
الخميس أغسطس 09, 2012 4:47 pm من طرف بلا حدود مكتب السودان

» تهنئة بالعام الجديد
الخميس يناير 12, 2012 6:48 pm من طرف بلا حدود مكتب السودان

» اسباب طلاق النسوان في بلاد العرب والسودان
الإثنين يناير 09, 2012 5:03 am من طرف mohdewaid

» دهاء وسرعة بديهة هارون الرشيد
الأحد أكتوبر 09, 2011 6:51 pm من طرف الظل الوريف

» الاهداف العامة للجمعية
الخميس سبتمبر 22, 2011 7:00 pm من طرف الظل الوريف

» شراع الامل
الأحد سبتمبر 18, 2011 5:19 pm من طرف الظل الوريف

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
نوفمبر 2017
الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  
اليوميةاليومية

شاطر | 
 

 قصـة ود دكين مع طه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مامون
مشرف اساسي
مشرف اساسي
avatar

عدد المساهمات : 230
تاريخ التسجيل : 12/05/2010
العمر : 44
الموقع : http://www.alkhour.com/

مُساهمةموضوع: قصـة ود دكين مع طه   الأحد مايو 30, 2010 1:10 am

بسم الله الرحمن الرحيم
سلام الله عليكم

قصـة ود دكين مع طه

تروي الروايات ان هذه الواقعة وقعت حوالي عام 1818 ميلادية وكانت الواقعة الشهيرة بقتل أحد فرسان البطاحين حمد ود دكين زعيم الشكرية واحتمي البطاحين بابناء عمومتهم الجعلين وعلي رأسهم المك نمر وكادت الحرب تقع بينهم ولكنها انتهت الي الصلح ..



أخوك يا ريا وكت الخيول يدبكن
أخوك يا ريا وكت الرماح يتشبكن
أخوك جبل الثبات وكت القواسي يحبكن
كم بكيت وكم قشيت دموع الببكن
قالت ريا :
وراك أسود علي ما نمت اسع طيب
قال طه :
بسم الله قولي أخو طيب طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب

الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس أنا ما بخافو لقاهو
ياليت الحلم في صحيا كان بلقاهو
كان خير ولا شر برجاه ما بهم بالي
وحارثني الثبات من الكبار قبالي
وكت هسه حسيت ولقيتك صاحية قبالي
ان اتلخبط الكون تاني ماني مبالي
قالت ريا :

&&&&&&&&&&&&&&&&&&&&&&&&&&&&&&&&&&&&&&&& &&&&
الرجوع الى أعلى الصفحة اذهب الى الأسفل
http://blaahs.yoo7.com
مامون
مشرف اساسي
مشرف اساسي
avatar

عدد المساهمات : 230
تاريخ التسجيل : 12/05/2010
العمر : 44
الموقع : http://www.alkhour.com/

مُساهمةموضوع: رد: قصـة ود دكين مع طه   الأحد مايو 30, 2010 1:14 am

:
كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه
قال طه :
وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه
قالت ريا:
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها
وقعدت ريا تبكي:
رد عليها طه وقال :
ما بفيد البكاء وكلامي احسن تنسي
قالت ليه ريا :
كيف ما أبكي وكيف أفوت مراتع أنسي
افقد كل شي عزي ورجالي وانسي
تطلق فوقي نار عقبان تقول لي أنسي
كنا في سيرة لقاء طه وريا وهم بيحكوا لي بعض قصة الحلم
قال طه :
فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت
قالت ريا :


تاااااااااااابع

&&&&&&&&&&&&&&&&&&&&&&&&&&&&&&&&&&&&&&&& &&&&
الرجوع الى أعلى الصفحة اذهب الى الأسفل
http://blaahs.yoo7.com
مامون
مشرف اساسي
مشرف اساسي
avatar

عدد المساهمات : 230
تاريخ التسجيل : 12/05/2010
العمر : 44
الموقع : http://www.alkhour.com/

مُساهمةموضوع: رد: قصـة ود دكين مع طه   الأحد مايو 30, 2010 1:25 am

قالت ريا :
خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك

قال طه :
خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول
قالت ريا :
وريني الحلم التورك مذهول
قال طه :
أصبري لي أروق حبل الفكر مبهول
احكيلك شنو الشفتو والله مهول
شفت الوحده شفت النار وشفت الهول
أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه
قدر ما نشوف قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق
فترتي قعدتي , انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى
تبت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن
سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره
بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن

قالت له ريا


تاااااااااااااااابع

&&&&&&&&&&&&&&&&&&&&&&&&&&&&&&&&&&&&&&&& &&&&
الرجوع الى أعلى الصفحة اذهب الى الأسفل
http://blaahs.yoo7.com
abdulla abdulrahman
مشرف منتدى الصحة والحياة
مشرف منتدى الصحة والحياة
avatar

عدد المساهمات : 239
تاريخ التسجيل : 23/05/2010
العمر : 61

مُساهمةموضوع: رد: قصـة ود دكين مع طه   السبت يوليو 03, 2010 1:35 am

هناك ادب يمثل لنا ارث خالد وعظيم ولا زال الناس يتداولونه فيما بينهم الا وهو فن الباديه وانسان الباديه السوداني الاصيل. وللهمباته ارث خالد في هذا المجال الطيب ود ضحويه وطه الضرير ومن شعراء البطانه المجيدين الحاردلو وحتى نهتم بفن وارث خالد تعالوا نحاول نجمع كم منه حتى نعرف القيم الجميله التي يحملها هذا المسدار

كقول احدهم

الناس في العروض ما تقيسه بي تيبانه
ما يغرك لباسن والعروض عريانه
ديل حراس رزق ذي التكنو امانه
ذي ابل الرحيل شائله السقى وعطشانه

وكقول الحاردلو في بشارات الخريف

الخبر الاكيد قالوا البطانه اترشت
وساريتن تبقبق للنهار ما اتفشت
وبت ام ساق علي طرف الفريق اتعشت

وللعبادي الشاعر المعروف قصه مليئه بالحكم والعبر طه وودكين نا خد منها مقطوعات

كقول طه
انا المالح الكارب خريفي وصيفي
والمتلك تبيع ما اظن اقيف فوق قيفي
كان ما الليله فوق بيتي وبحسبك ضيفي
في الشي السمعتو برد عليك بي سيفي

وقال في الثبات والوقوف علي المبدا
من الفيها ما بزح وان تزحزح مره
وان حيين نعود ان طال زمنا ومره
والزين ما بدوم والزول بموت فد مره
هولا الناس تركوا لنا قيم ومبادي ومعاني جميله واصيله في الزول السوداني البسيط انا بتمنى من كلو واحد عندو اهتمام بهذا المجال يجادعنا بي مسدار مسدارين كده
الرجوع الى أعلى الصفحة اذهب الى الأسفل
 
قصـة ود دكين مع طه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية بلا حدود للبر والإحسان الخيريه ( بالسودان) :: بلاحدود العامة :: منتدى الشعر والدوبيت-
انتقل الى: