الصادق أحمد علي العضو الذهبي
عدد المساهمات : 331 تاريخ التسجيل : 17/05/2010 الموقع : https://blaahs.yoo7.com
| موضوع: قطيعة نسوان السبت يونيو 05, 2010 3:05 pm | |
|
دعوة للابتسام في زمن (خليهو ساي)
سلامات وان شاء الله كويسين الليله حنحكي عن علويه الحشريه ((عينة من نسوان السودان))
علوية عمرها 45 سنه تقريبا ما متزوجه الا انها متزوجه المناسبات يعني علويه طول ليله ونهاره هي في بيت مناسبه وتتحشر في البخصها والما بخصها امممممممممممممم شكلكم كده ماصدقتوني نخش نشوف علويه دي بتعمل في شنو ؟
علويه تطرق باب منزل صديقتها نوال ونوال دي برضو جنها مناسبات لكن هي متزوجه وبرضو بتحب تتحشر في الما ليها فيهو
علويه: نوا ل هوي يانوال
(وهي تطرق الباب بعنف)
نوال : ايوه ايوه جيت الباب ده انشاء الله يقع عشان نرتاح
تفتح نوال الباب لتجد امامها علويه نصف النائمه (الدنيا لسه صباح)..
علويه : الليله ووووووووووب علي يا اختي وووووب وووووب ووووب
نوال : سجم خشمي ياعلويه المات منو ؟
علويه : مافي زول مات لكن الراجل المجنون ده طلق التومه
نوال : الراجل منو سعيد ؟
علويه : ياهو قشير الله لاكسبه قوماكي ارحكي قالو التومه فارشه عديييييييييل
نوال : الله لا كسبك ياسعيد كر علي يالتومه
علويه : نوال يا نوال
نوال : اها ياعلويه
علويه : الليله عرس ناس مستتوره نمشي ليهم بعد نغشى التومه
نوال : خلاص خير (نوال شخصيتها مهضومة تماما امام علوية)
علويه : والله ناس مستوره ديل ما دايره امشي ليهم وسخانين ومعولقين لكن بس عشان ما تلومنا تقول نحن ماجينا
نوال : يلا يا علويه انا جاهزه ارحكي
علويه: ارح يا اختي
الله يازاهو اصلو ما راجل يمشي لي قدام
هكذا ابتدرت علويه مواساتها لي التومه بعد ان طلقها زوجها سعيد
التومه : احيييييييييييييييييييييييي يابنات امي الراجل عرسني لحم وطلقني عضم
نوال : اصلهم الرجال ديل كده وزي ماقال المثل البضمن الرجال يضمن المويه في الغربال
علويه : انتي التومه بس هو كان سببو شنو طلقك الراجل الزي قلم الحواجب ده (هههههههههه ابدعت علويه في وصف سعيد فهو قصير جدا)..
إلى اللقاء في الجزء الثاني
أخيك في الله
الصادق أحمد علي
الدوحة - قطر
| |
|
ايمان مصطفي العضو الفضي
عدد المساهمات : 113 تاريخ التسجيل : 14/05/2010 العمر : 37
| موضوع: رد: قطيعة نسوان السبت يونيو 05, 2010 3:14 pm | |
| صدقت اخي الصادق في نماذج ذي دي في السودان
حمانا الله..شديتنا لباقي القصه... | |
|