الصادق أحمد علي العضو الذهبي
عدد المساهمات : 331 تاريخ التسجيل : 17/05/2010 الموقع : https://blaahs.yoo7.com
| موضوع: قطيعة نسوان (2) السبت يونيو 05, 2010 3:09 pm | |
|
( الجزء الثاني من قطيعة نسوان )
التومه : بري ياختي السبب ما مني السبب من الكريهه مرتو العرسه فيني دي قالت ليه ما بقبل بيك الا تطلق مرتك الاولي اتخيلي ياعلويه ياختي.
علويه : اتخيلت يالتومه انتي قايله انا ما عرست لي هسي مالي ما عشان جنس العمايل دي
التومة : انتي كان لقيتي وابيتي ياعلويه ( اتي صوت سعيد مجلجلا حتي ان كبايه العصير سقطت من يد نوال التي ارتجفت كانما يقف امامها حافظ حبيبها السابق )
علويه : انت جيت يالقبيح يالسنيح يالمابتشبه الرجال
سعيد : انت مجنونه ياوليه ولا شنو ؟
مجنونه انا ياراجل يامتصابي ماشي تعرس بت قدر بناتك ومطلق المسكينه دي
سعيد : وانتي يخصك شنو ؟
علويه : يخصني ونص وخمسه ياراجل يا غبيان يا مودر انت دفعتك هسي قربو لي تسعين سنه وانت لي هسي مصبغ شعرك وجاري ورا النسوان.
سعيد : احترمي نفسك ولا
علويه : ولا شنو داير تدقني كمان
سعيد : ادقك وادق عشره زيك
والتحم في قتال حار مع علويه والسكاليب دورت وناس الحله اتلمو وساقوهم هي ونوال وسعيد ومرتو لي قسم الشرطه والدماء تنزف من وجه سعيد ومن انفه اسمك وسنك وعنوانك
علويه بت ارباب ود العطا ساكنه في فريق طمطمان عمري يا حضره الضابط 23 سنه
كذابه انت عمرك يكون 46 قاسمه علي اتنين يالمابتخافي الله (صوت سعيد)
علويه : يقسموك زي المراره ياراجل ياسمين يا الجخس يا البُخسة
الضابط : سكوت ماذا حدث بالضبط يا علويه
علويه : قاعدين في امانه الله انا ونوال عند صاحبتي التومه جا الراجل اب كِلَوْ (كنايه عن السمنة) واتضارب معاي
الضابط : انت اسمك وسنك وعنوانك ( سعيد محمود سعيد من فريق طيور الجنه عمري 48 سنه )
علويه بسخريه لا بالله اها يا كاظم الساهر
الضابط : انتي لو اتكلمتي بدون اذني حا اختك في الحبس (علويه في سرها يتحبس دمك شاحده ربي عليك ) حاضر ياجنابو
الضابط : هل انت اتعرضت لي المدعوه علويه
سعيد : يا جنابو هسي شوف الرضوض الفي جسمي دي والجروح الفي راسي دي هسي عليك الله الضحيه فينا منو انا ولا الوليه العامله زي الكومر دي ....
إلى اللقاء في الجزء الثالثأخيك في اللهالصادق أحمد عليالدوحة - قطر | |
|
مامون مشرف اساسي
عدد المساهمات : 230 تاريخ التسجيل : 12/05/2010 العمر : 51 الموقع : http://www.alkhour.com/
| موضوع: رد: قطيعة نسوان (2) السبت يونيو 05, 2010 5:49 pm | |
| ههههههههههههههههه
والله جد ابداع يا الصادق ولي الامام ح اتابع المسلسل الرهيب ده
| |
|
abdulla abdulrahman مشرف منتدى الصحة والحياة
عدد المساهمات : 239 تاريخ التسجيل : 23/05/2010 العمر : 68
| موضوع: قطيعة نسوان الأحد يونيو 06, 2010 12:23 am | |
| | |
|
ابو اشراقه
عدد المساهمات : 36 تاريخ التسجيل : 13/05/2010 العمر : 39 الموقع : ahmed_125@maktoob.com
| موضوع: رد: قطيعة نسوان (2) الأحد يونيو 06, 2010 1:45 pm | |
| متشوقين نشوف باقي المسلسل المتكرره يوميا في مجتمعاتنا مشكور | |
|